من طرف الفرق بين الولد والبنت
التعلم
حتي تبين البنت أنها متعلمة وتدرس بالجامعة تقعد تتكلم لغة أجنبية وايد مع غيرها
أما الولد لين حب يبين أنه متعلم وبالجامعة فتلاقيه في الجامعة حتى في اليوم اللي ما عنده فيه محاضرة وكأنه رجل أمن مو طالب
الجمال
البنت إذا شافت نفسها مو حلوة ، تصير **ونة اربع وعشرين ساعة للمشاغل وأنواع الخرابيط على وجهها
أما الولد إذا شاف نفسه مو حلو فيشتري سيارة فخمة ويصير **ون دايم عند محطات البنزين
الرياضة البنت كلما كانت تسوي رياضة أكثر ، تلبس ضيق أكثر
أما الولد، كل ما سوّا رياضة اكثر كل ما صار يقلد روبوكوب في المشي أكثر
الأسرار
البنت مستحيل تقول بمعلومات رقمية عن عمرها ووزنها
الولد مستحيل يقول كم راتبه وعن اسامي أمه و اخواته
التلفزيون البنت تكون في قمة التركيز لما تشوف مسلسل مكسيكي أو فيلم البوهه طايرة
الولد يغيب عن العالم اللي هو فيه إذا شاف كرة تنط
الغضب
البنت لما تعصب ينطلق لسانها يا حظ اللي تكون طبلة أذنه مقابلها.
الولد لما يعصب تنطلق يديه يا حظ اللي يكون وجهه مقابله
الإنتقام
اذا أخذنا معلمة ومعلم كمثال
المعلمة اذا ضايقها أي شيء في البيت ، فتطلع زعلها وعصبيتها في تلميذاتها
المعلم أي شيء يضايقه ويزعله من تلاميذه ، يجي يطلعه في البيت
السعادة
المرأة لما تكون سعيدة يبين عليها من عيونها ووجهها
الرجل لما يكون سعيد يبين على جيبه
