هو انا فقري ولا ايه
هوا انا فقري ولا ايه ؟؟
قولي انت اعمل ايه ؟؟
هحكيلك علي كام موقف في حياتي
وهتحس بيا لما تسمع الاتي
ويوم ما دخلت الجامعه
وقلت هظبط في وسط اللمه
طلعت الجامعه بجد لامه
إفتكرت هتعلم تعليم بذمه
طلعت الكليه مشمومه شمه
وملهاش يا ناس اي لازمه
دخلتها بفكر كويس
وهطلع منها مهيس
وشكلي مش هحصل صبي مهندس
هو انا فقري ولا ايه ؟؟
ما تقولي انت اعمل ايه ؟؟
ويوم ما إتظبط في خروجه مع ناس جداد
وكمان كانو يا ناس شداد
جاين من مختلف البلاد
علشان يتسحروا الا إيه في جاد
إنتهي بيا الحال في دار الفؤاد
هو انا فقري ولا ايه ؟؟
ما تقولي انت اعمل ايه ؟؟
يوم ما حبيت استمتع بالعربيه
لبست في كارو وانا رايح الكليه
دا نحس يا ناس كتير عليا
انا واقف بشوف الكبوت ومحتاس
وصاحب الكارو يقولي البرسيم وقع يا إستاذ !!!
هو انا فقري ولا ايه ؟؟
ما تقولي انت اعمل ايه ؟؟
ويوم ما حبيت حب شريف
خانتني وبعتني مع واحد اشكيف
ولا حتا قدرت الحب النضيف
باعت الغالي واشترت الرخيص
ورمت قلبي السخن علي الرصيف
كأنها بتفرد عشرين رغيف
هو انا كدا كويس ولا واد خفيف
هو انا فقري ولا ايه
ما تقولي إنت اعمل ايه
اروح زي فارس اعمل ام بي ايه
ولا اقصر واشتغل في اي بوفيه
لو عندك حل قولي عليه
طيب انتوا شيفني وحش لدرجه إني منبوذ
ولا انا بعدت عن القاعده وحالتي من الشذوذ
دا الدنيا بتديني دبوس ورا دبوس
وانا اتسطلت ومبقتش قادر ادوس
بس ارجع وأقوللكم انا الحمد لله تمام
وعامل نفسي قال ايه مش زعلان
مستني ردودكم دا انا غلبان
ونبي حاسسوني بشويه امان
علي فكره ده مش كلام بأوزان
دي حقيقه عيشها إنسان
هو انا فقري ولا ايه ؟؟
ما تقولي انت اعمل ايه ؟؟
هو انا فقري ولا ايه؟؟؟؟؟